ئەمریکا سزای نوێی بە سەر ئێراندا سەپاند
(0) /
وەزارەتی گەنجینەی ئەمریکا سزای بە سەر چەند کۆمپانیایەکی چینی، ئیماراتی و تۆڕێکی ئێرانیی چالاک لە هەناردەی بەرهەمەکانی پترۆکیمیادا سەپاند.
لە بەیاننامەیەکی وەزارەتی گەنجینەی ئەمریکا کە ڕۆژی پێنج شەممە 16 ی حوزەیران بڵاو بووەتەوە، هاتووە کە ئەمڕۆ نووسینگەی کۆنتڕۆڵی داراییە دەرەکییەکانی وەزارەتی گەنجینەی ئەمریکا تۆڕێک لە وەبەرهێنەرانی پترۆکیمیای ئێران و چەند کۆمپانیایەک لە چین و ئیمارات کە پاڵپشتی لە کۆمپانیای بازرگانی پترۆکیمیای ئێران دەکەن خستووەتە ڕیزی سزاکانەوە.
کەسێکی چینی، کەسێکی هۆڵەندی و 9 کۆمپانیا لە ئێران، چین و ئیمارات بە تایبەت کۆمپانیای پترۆکیمیای خارک کەوتوونەتە ڕیزی سزاکانەوە.
برایان نیلسۆن جێگری کاروباری تیرۆریزم و زانیاری دارایی لە وەزارەتی گەنجینەی ئەمریکا ڕایگەیاندووە کە وڵاتەکەی درێژە بە دیپلۆماسیی ئامانجدار بۆ دەستەبەرکردنی گەڕانەوەی بەرامبەر بۆ ڕێکەوتنی ناوەکی ئێران دەدات./.
تێبينيێك بنێرە: