تورکیا لە سەر پەکەکە داوایەک لە عێراق دەکات
(0) /
وەزیری دەرەوەی تورکیا وتی کە نابێت چاوەڕوان بن ئەنکەرە لە بەرامبەر گرووپە تیرۆریستییەکان لە عێراق و سوریا دەستەوەستان بێت.
مەولود چاوش ئۆغلۆ لە کۆبوونەوەی باڵیۆزانی تورکیا وتی کە ئەنکەرە لە بەرامبەر گرووپە تیرۆریستییەکان لە سوریا و عێراق پەنا بۆ هەر هەنگاوێک دەبات. ئاماژەی ئۆغلۆ بە پەکەکە و پەیەدەیە.
ناوبراو وتی کە تورکیا بۆ دابینکردنی ئاسایشی ملیۆنان کەس لە سوریا هەوڵ دەدات و نابێت چاوەڕوانی ئەوە بکرێت کە لە بەرامبەر گرووپە تیرۆریستییەکان هیچ کارێک نەکات.
وتیشی کە چاوەڕوان دەکرێت عێراق پەکەکە بە تیرۆریست بناسێنێت و بە کردەوە دوژمنایەتیشی بکات./.
تێبينيێك بنێرە: