ناوەڕۆکی ڕێکەوتنێکی نوێی هەولێر و بەغدا ئاشکرا بوو
(0) /
وتەبێژی حکومەتی هەرێمی کوردستان وتی کە بە پێی ڕێکەوتنی پێکهێنانی حکومەتی نوێی عێراق، بڕیارە سێ یاسای گرنگ بە تایبەت یاسای نەوت و غاز لە ماوەی 6 مانگدا پەسەند بکرێت.
جوتیار عادل وتی کە حکومەتی هەرێمی کوردستان، بە تایبەت کابینەی نۆیەم، ئیرادەی جیدیی بۆ چارەسەرکردنی کێشەکان لە گەڵ بەغدا هەبووە بەڵام هەبوونی چەند ئاستەنگ و بەربەستێک بووە هۆی مسۆگەرنەبوونی ئەو ئامانجە.
وتەبێژی حکومەتی هەرێم وتی کە هیشتا بۆ چارەسەرکردنی کێشەکان جیدین و شاندێک بۆ ئەو مەبەستە پێکهێنراوە و چاوەڕوانی وەڵامی حکومەتی ناوەندین تا شاندەکە سەردانی بەغدا بکات.
ڕاشیگەیاند کە بڕیارە لە ماوەی 6 مانگدا ڕێکەوتنی پێویست لە سەر بودجە، نەوت و غاز و مادەی 140 بکرێت.
جوتیار عادل وتی کە بە پێی ڕێکەوتنی لایەنە سیاسییەکان، دەبێت لە ماوەی 6 مانگدا یاسای نەوت و غاز و دادگای فیدراڵی پەسەند بکرێت./.
تێبينيێك بنێرە: