دژە تیرۆری عێراق: لە سەرەتای ساڵی 2021 تا ئێستا 99 تیرۆریستی داعش دەستبەسەر کراون
(0) /
دەزگای دژە تیرۆری عێراق ئاماری چالاکییەکانی ساڵی 2021 ی تا ئێستا بڵاو کردەوە.
لە ڕاگەێندراوێکی دەزگای دژە تیرۆری عێراق کە ڕۆژی دووشەممە بڵاو بووەتەوە، هاتووە کە هەڵمەتی بەرەنگاربوونەوەی تیرۆریستان زیاتر بووە و لە سەرەتای ئەمساڵەوە تا ئێستا 109 چالاکی کراوە و 99 تیرۆریستی داعش لە ناوچە جیاجیاکانی عێراق دەستبەسەر کراون.
لەو ڕاگەێندراوەدا هاتووە کە لە هەڵمەتی بەرەنگاربوونەوەی تیرۆریستان لە ناوچە جیاجیاکان بە تایبەت شوێنی خۆحەشاردانی تیرۆریستان، 34 ئەندامی گرووپی تیرۆریستی داعش کوژراون.
دەزگای دژە تیرۆری عێراق هەروەها ڕایگەیاندووە کە هێزی ئاسمانی عێراق و هاوپەیمانی نێودەوڵەتی لە سەرەتای ئەمساڵەوە تا ئێستا 337 جار چالاکییان لە دژی تیرۆریستانی داعش هەبووە./.
تێبينيێك بنێرە: