کڵیچدار ئۆغلۆ بە پیازێکەوە هێرش دەکاتە سەر ئەردۆغان

Apr 11, 2023

کاندیدی هەڵبژاردنەکانی سەرۆکایەتی تورکیا بە گرتە ڤیدیۆیەک لە چێشتخانەی ماڵەکەی خۆیەوە هێرشی کردە سەر سیاسەتە ئابورییەکانی ڕەجەب تەیب ئەردۆغان.

کەماڵ کڵیچدار ئۆغلۆ کە سەرۆکایەتی بەرەی نەیارانی ئاکەپە و ئەردۆغان دەکات، لە گرتە ڤیدیۆیەک و لە کاتێکدا کە پیازێکی بە دەستەوەیە، سیاسەتە ئابورییەکانی سەرۆک کۆماری تورکیای ڕوبەڕوی ڕەخنەیەکی زۆر کردەوە.

ناوبراو وتی کە ئەگەر ڕەجەب تەیب ئەردۆغان لە دەسەڵاتدا بمێنێتەوە، نرخی پیاز دەگاتە هەزار لیر یان 6 دۆلار.

ئۆغلۆ وتی کە ئاکەپە دەزانێت پلان و سیاسەتەکانی ناتوانێت ڕەزامەندی خەڵک بە دەست بێنێت و بەم بۆنەوە پەنای هێناوەتە پڕوپاگەندە و تۆمەتبارکردنی پەکەکە و لایەنەکانی دیکە.

کڵیچدار ئۆغلۆ وتی کە ئەگەر ببمە سەرۆک کۆماری تورکیا، دیمۆکراسی و وەبەرهێنان و هەلی کار دێت، نرخی دراوە بیانییەکان دادەبەزێت و هێزی کڕینی خەڵک زیاتر دەبێت./.