نێچیرڤان بارزانی داوای بەرەیەکی یەکگرتوو لە کوردستان دەکات
(0) /
سەرۆکی هەرێمی کوردستان بە بۆنەی ساڵیادی ڕاپەڕینی خەڵکی کوردستان پەیامێکی بڵاو کردەوە.
لە پەیامەکەی نێچیرڤان بارزانیدا هاتووە کە کوردستان لە ئێستادا زیاتر لە هەر کاتێکی دیکە پێویستی بە تەبایی و پێکەوەیی و یەکڕیزی سەرجەم لایەن و پێکهاتەکان هەیە.
ناوبراو ڕایگەیاندووە کە ئەو بەرە یەکگرتووە هاوشێوەی سەردەمی ڕاپەڕین دەتوانێت ڕوبەڕوی سەختی و تەحەدییەکان ببێتەوە.
سەرۆکی هەرێمی کوردستان بە ئاماژە بە یەکگرتوویی سەردەمی ڕاپەڕین ڕایگەیاندووە کە ئێستاش بە هەمان شێوە هەموومان پێکەوە دەتوانین مافە دەستوورییەکانمان بە دەست بێنین و بیانپارێزین.
بارزانی داوای لە سەرجەم لایەن و پێکهاتەکانی هەرێمی کوردستان کردووە کە یادی ڕاپەڕین بکەنە هەوێنی تەبایی و پێکەوەیی و نەهێشتنی کێشە و ناکۆکییەکان./.
تێبينيێك بنێرە: