چەندین تیرۆریستی داعش لە کەرکوک کوژران
(0) /
شانەی ڕاگەیاندنی ئەمنی عێراق هەواڵی کوژرانی 9 تیرۆریستی داعشی لە ئاکامی تەقاندنەوەی تونێلێک لە باکوری ڕۆژئاوای کەرکوک ڕاگەیاند.
لە بەیاننامەیەکی شانەی ئەمنی عێراقدا هاتووە کە لە هەڵمەتێکدا هێزەکانی فەوجی پیادەی 14 ی سوپای عێراق لە باکوری ڕۆژئاوای کەرکوک تونێلێکی تیرۆریستانی داعشیان تەقاندووەتەوە کە بۆ هاتووچۆ کەڵکیان لێ وەرگرتووە.
لەو بەیاننامەیەدا هاتووە کە لەو تونێلەدا 9 تیرۆریستی داعش کوژران کە ژمارەیەک لەوان فەرماندەی باڵای ئەو گرووپە تیرۆریستییە بوون.
شانەی ڕاگەیاندنی ئەمنی عێراق هەروەها ڕایگەیاندووە کە دوو ژن و مێردێک کە بۆ تیرۆریستانی داعش سیخوڕییان کردووە، دەستبەسەر کراون، ئەو کەسانەش لە گوندی شەمیت سەر بە قەزای حەویجە دەستبەسەر کراون./.
تێبينيێك بنێرە: