بایدن هەڕەشەی سزادانی زیاتری ئێران دەکات
(0) /
سەرۆک کۆماری ئەمریکا ڕایگەیاند کە ئەگەر ئێران بۆ ڕێکەوتنی ناوەکی نەگەڕێتەوە، ڕوبەڕوی سزا و گەمارۆی زیاتر دەبێتەوە.
جۆبایدن لە نووسینێکدا کە لە ڕۆژنامەی واشنتن پۆست بە ناونیشانی بۆ دەمەوێت سەردانی سعوودیە بکەم، ڕایگەیاند کە سەردانەکەی بۆ ڕۆژهەڵاتی ناوەڕاست لە کاتێکی هەستیار و بۆ بەرەوپێشبردنی بەرژەوەندییەکانی ئەمریکایە.
ناوبراو سەبارەت بە ئێران ڕایگەیاندووە کە ئەمریکا و هاوپەیمانان و هاوبەشەکانی لە ئەورووپا و سەرتاسەری جیهان هەوڵی پەراوێزخستنی ئەم وڵاتەیان داوە.
سەرۆک کۆماری ئەمریکا ڕایگەیاندووە کە تا ئەو کاتەی ئێران بۆ ڕێکەوتنی ناوەکی دەگەڕێتەوە، گوشارە سیاسی و ئابورییەکانی واشنتن بەردەوام دەبێت./.
تێبينيێك بنێرە: