لیز تراس بووە سەرۆک وەزیرانی بەریتانیا
(0) /
وەزیری دەرەوەی بەریتانیا وەک سەرۆک وەزیرانی ئەو وڵاتە هەڵبژێردرا.
لیز تراس وەزیری دەرەوەی کابینەکەی بۆریس جۆنسۆن ئەمڕۆ دووشەممە 5 ی ئەیلولی 2022 بە دەنگی 81 هەزار کەس لە ئەندامانی حزبەکەی وەک سەرۆک وەزیرانی نوێی بەریتانیا هەڵبژێردرا.
بە پێی دەست لە کار کێشانەوەی جۆنسۆن و بۆ ڕێگری لە بەڕێوەچوونی هەڵبژاردنی سەرتاسەری، ئەندامانی پارتی دەسەڵاتداری پارێزگاران، بۆ دووەم جار لە ناوخۆی ئەو حزبەدا هەڵبژاردنیان کرد و سەرۆک وەزیرانی نوێ دیاری کرا.
ساڵی 2019 بۆریس جۆنسۆن بە هەمان شێوە و میکانیزم و بە دەنگی 92 هەزار کەس لە ئەندامانی حزبەکەی بووە سەرۆک وەزیران و وەک جێگرەوەی ترێزا مەی دیاری کرا./.
تێبينيێك بنێرە: