کۆکردنەوەی واژۆ لە پەرلەمانی عێراق بۆ لادانی باڵیۆزی ئەمریکا
(0) /
ڕوانگە - یاسر حوسەینی، پەرلەمانتاری عێراق رایگەیاند، "ئەندامانی پەرلەمانی عێراق سەرقاڵی کۆکردنەوەی واژۆن بۆ لابردنی ئەلینا رۆمانۆوسکی، باڵیۆزی ئەمریکا لە عێراق لە پۆستەکەی و گۆڕینی بە کەسێکی دیکە، لەبەر دەستوەردانی لە کاروباری ناوخۆیی عێراق."
دەشڵێت، "هەر یەک لە ئەندامانی پەرلەمانی عێراق، بۆ ئەم مەبەستە یوسف کیلابی و حەسەن سالم داواکارییان پێشکێشی سەرۆکایەتیی پەرلەمان کردووە. خەریکی کۆکردنەوەی واژۆن لە ناو پەرلەمان. خۆم یەکێک لەوانەم کە واژۆم لەسەر ئەم داواکارییە کردووە."
ئاماژەی بەوەشکرد "عێراق دەوڵەتێکی ئیسلامییە و خاوەن کولتوور، ناسنامە و بنەمای رەوشتی تایبەتی خۆیەتی. دەستوەردانی باڵیۆزی ئەمریکا لەم کارانە گونجاو نییە بۆ پێگەی خۆی. هەروەها دەستوەردانێکی قبووڵکراویش نییە لە کاروباری ناوخۆیی عێراق."
پۆستە پەیوەندی دارەکان:
تێبينى (0):
یەکەم کەس بە بۆ ناردنی تێبینی.
تێبينيێك بنێرە: