لاوڕۆڤ: ئەڵمانیا پەرەی بە سیاسەتەکانی لە دژی ڕووسیا داوە
(0) /
وەزیری دەرەوەی ڕووسیا ڕایگەیاند کە ئەڵمانیا پەرەی بە سیاسەتی زیاترکردنی گوشارەکان لە دژی ڕووسیا داوە بەڵام مۆسکۆ بەردەوام ئامادەی وتووێژە.
سرگێی لاوڕۆڤ سەبارەت بە پەیوەندییەکانی ڕووسیا و ئەڵمانیا وتی کە ئەم پەیوەندییانە بە قۆناغێکی دژواردا تێپەڕ دەبێت و لە ئێستادا ئەڵمانیا سیاسەتەکانی لە دژی ڕووسیا زیاتر کردووە و هەوڵ دەدات ڕووسیا بەردەوام وەک هەڕەشەیەک لە سەر ئەورووپا بناسێنێت.
وەزیری دەرەوەی ڕووسیا وتی کە ئەڵمانیا هەندێک تۆمەتی بێ بنەما دەداتە پاڵ مۆسکۆ و میدیاکانی ئەو وڵاتەش بوونەتە ئامرازی لاوازکردنی پەیوەندییەکانی نێوان هەر دوو وڵات.
وتیشی کە مۆسکۆ بەرلین وەک کاراکتەرێکی گرنگی نێودەوڵەتی دەزانێت و جەخت لە سەر وتووێژی ڕاستگۆیانە لە سەر بنەمای ڕێزگرتنی بەرامبەر لە گەڵ ئەڵمانیا دەکاتەوە./.
تێبينيێك بنێرە: