قەتەر هاوکاری دارایی دەبەخشێتە 95 هەزار خێزانی کەرتی غەززە
(0) /
دابەشکردنی هاوکارییە داراییەکانی قەتەر لە کەرتی غەززە دەست پێدەکات.
محەممەد عەمادی سەرۆکی کۆمیتەی قەتەریی ئاوەدانکردنەوەی کەرتی غەززە ڕایگەیاند کە ئەمڕۆ سێ شەممە دابەشکردنی هاوکارییە داراییەکانی وڵاتەکەی بە سەر هەزاران خێزانی هەژار و کەم داهاتی ئەم ناوچەیە دەست پێدەکات.
ناوبراو ڕایگەیاندووە کە ئەو هاوکارییە بە سەر 95 هەزار خێزانی کەرتی غەززە و بە بڕی 100 دۆلار بۆ هەر خێزانێک لە ڕێگای سندۆقی گەشەپێدانی قەتەرەوە دابەش دەکرێت.
عەمادی ڕایگەیاندووە کە دابەشکردنی هاوکارییەکان بە چاودێری ڕێکخراوی نەتەوە یەکگرتووەکان و لە ڕێگای 300 بنکەوە دەبێت کە پێشتر لە ناوچە جیاجیاکانی کەرتی غەززە دەستنیشان کراون.
میری قەتەر پێشتر فەرمانی پێدانی 360 ملیۆن دۆلاری بۆ کەرتی غەززە واژۆ کردووە./.
تێبينيێك بنێرە: