فەرماندەی هێزی وشکانیی سوپای عێراق: هەموو جۆرە تانکێکی پێشکەوتوومان هەیە
(0) /
فەرماندەی هێزی وشکانیی سوپای عێراق وتی کە هیچ هێزێکی شەڕکەری بیانی لە خاکی عێراقدا نییە.
قاسم محەممەدی بە ئاژانسی فەرمی عێراقی ڕاگەیاند کە هێزی وشکانی لە سەدا 72 ی هێزە سەربازییەکان و نزیکەی دوو لە سەر سێی هێزە ئەمنییەکانی عێراق پێک دێنێت.
ناوبراو وتی کە هێزی وشکانیی سوپای عێراق هەموو جۆرە تانکێکی پێشکەوتووی ئەمریکی و ڕووسیی هەیە و پلانی زیاترکردنی کەرەستە سەربازییەکانیشی هەیە.
محەممەدی وتی کە پلانێک بۆ کڕینی درۆنە شەڕکەرەکان بە توانای 30 کاتژمێر فڕینەوە هەیە و سوپای عێراق لە بواری تۆپخانەییدا لە ئاستێکی باشدایە.
وتیشی کە دۆخی عێراق تا ڕادەیەکی باش سەقامگیرە و تیرۆریستان ناتوانن گرووپی زیاتر لە 6 کەس پێک بێنن و ئەویش لە ناوچە چۆڵەکاندایە و چالاکییەکانیشیان تەنیا شەوانەیە./.
تێبينيێك بنێرە: