بۆ سەردانی وەزیری دەرەوەی چین بۆ ئێران گرنگە؟
(0) /
وەزیری دەرەوەی چین سەردانی ئێرانی کردووە و لەم سەردانەدا ڕێکەوتنی هاوکاری 25 ساڵەی نێوان هەر دوو وڵات واژۆی لە سەر دەکرێت.
مامۆستایەکی زانکۆ لە ئێران سەبارەت بەم سەردانە وتی: لە ئێستادا لە نێو وڵاتانی ئەندام لە ڕێکەوتنی ناوەکی، چین لە ئێران نزیکترە و بە ئاسانی پێکەوە کار دەکەن و هەرچی گوشارەکانی وڵاتانی ڕۆژئاوا زیاد دەکرێت، ئەم دوو وڵاتە لێک نزیکتر دەبنەوە لە بەر ئەوەی کە ئێران پێگەیەکی ستراتیژیی لە ناوچەکەدا هەیە.
عەبدولڕەزا فەرەجی ڕاد وتی: سەردانەکەی وانگ یی بۆ تاران گرنگە، ئەمەش بە پێی گرنگی پەیوەندییەکانی نێوان هەر دوو وڵاتە، ئەگەر بمانەوێت بەراوردێک لە نێوان ئێستا و چەند ساڵی ڕابردووی پەیوەندییەکانی ئێران و چین بکەین، بۆمان ڕوون دەبێتەوە کە پەیوەندییەکان گەشەیان سەندووە.
ناوبراو وتی: ئێران و چین پێویستیان بە لێک نزیکبوونەوەی زیاتر هەیە لە بەر ئەوەی کە لە ئێستادا وڵاتانی ئەورووپی لە دژی چین لە ئەمریکا نزیک بوونەتەوە و چین پێویستی بە بەرەیەکی دیکە هەیە کە ئێران یەک لەو ئەندامانی ئەو بەرەیە دەبێت.
فەرەجی ڕاد وتی: چین دەزانێت کە لە داهاتوودا ئەمریکا گوشار لە سەر ژمارەیەک لە وڵاتانی عەرەبی ناوچەی کەنداوی فارس دادەنێت و ئاساییە کە لەوە نیگەرانە کێشەیەک لە دابینکردنی نەوتی خۆیدا نەبێت.
ئەم مامۆستایەی زانکۆی ئێران وتی: بەرپرسانی چین بیر لە داهاتووی ئابوری وڵاتی خۆیان دەکەنەوە و لەم ڕێگایەشدا گرنگی بە هەندێک بازاڕی وەک ئێران دەدەن کە لە لایەن وڵاتانی ڕۆژئاوا گەمارۆیان لە سەرە./.
تێبينيێك بنێرە: