ڕووسیا کۆنتڕۆڵکردنی شاری ماریۆپۆلی ڕاگەیاند
(0) /
وەزارەتی بەرگری ڕووسیا کۆنتڕۆڵکردنی شاری ماریۆپۆلی ئۆکرانیای ڕاگەیاند.
سرگێی شویگۆ وەزیری بەرگری ڕووسیا هەواڵی کۆنتڕۆڵکردنی ماریۆپۆلی بە سەرۆک کۆماری وڵاتەکەی ڕاگەیاند و وتی کە تەنیا کارگەیەکی ئاسنی شارەکە ماوە و نزیکەی 2000 کەس لە میلیشیاکان لەو شوێنەدا خۆیان حەشار داوە.
وەزیری بەرگری ڕووسیا وتی کە 142 هەزار کەسی سڤیل لە شارەکە براونەتە دەرەوە بەڵام ئێستا دۆخەکە ئارامە و دەتوانن بگەڕێنەوە.
ڤلادیمیر پوتین سەرۆک کۆماری ڕووسیاش ڕایگەیاندووە کە ئەو کەسانەی دەیانەوێت کارگەی ئاسنی ماریۆپۆل بە جێ بێڵن، گیانیان لە لایەن هێزەکانی ڕووسیاوە پارێزراوە دەبێت.
لە ئێستادا ئەو کارگەیە لە لایەن هێزەکانی ڕووسیاوە گەمارۆ دراوە./.
تێبينيێك بنێرە: